کابل، ۲۷ جدی، باختر
اقتصاد وزیرلیگی نینگ سرپرست وزیری قاری دین محمد حنیف بیرلشگن ملتلر تشکیلاتی باش کاتبی نینگ افغانستان بوییچه مخصوص وکیلی، و یوناما باشلیغی رزا اوتونبایوا بیلن اوچره‌شدی.
باختر آژانسیگه کوره؛ اوشبو اوچره‌شووده یوناما نینگ سابق اورین‌باسری و اوشبو تشکیلات نینگ بشردوستلیک یاردم کوریناتوری دانیل اندرس، کابلده‌گی اوچا دفتری باشلیغی ایسابیل خانیم و یوناما نینگ ینگی اورین‌باسری و بشردوستلیک یاردم کوریناتوری ایندریکا راتواته، اوشبو تشکیلات وکیللری هم حاضر بولگن؛ اقتصاد وزیرلیگی نینگ سرپرست وزیری بیرلشگن ملتلر تشکیلاتی باش کاتبی نینگ افغانستان بوییچه مخصوص وکیلی بیلن مملکت نینگ اقتصادی احوالی حقیده صحبتلشدی.
اوشبو اوچره‌شووده رزا اوتونبایوا خانیم بیلن قشّاقلیکنی باسقیچمه-باسقیچ قیسقه‌رتیریش، ایشسیزلیک و ینگی ایش ا‌ورینلرینی یره‌تیش بوییچه مرکزی مسأله‌لر بحث قیلیندی.
اقتصاد وزیرلیگی نینگ سرپرست وزیری ایسله‌تیب اوتدیکی، بیرلشگن ملتلر تشکیلاتی محتاجلرگه انسانپرورلیک یاردمی لایحه‌لرینی عملگه آشیریشدن تشقری؛ اولر آزوق-اوقاتگه ایش بیلن تامینلش دستورلرینی عملگه آشیریش، کیچیک و اورته تدبیرکارلیکنی رغبتلنتیریش و قوللب-قوّتلش، ایکینچیلیک، چارواچیلیک، باغدارچیلیک، تخنیکی و کسب-هنر اورگه‌تیش ساحه‌لریده لایحه‌لرنی عملگه آشیریش آرقه‌لی محلی ایشلب چیقریشنی قوللب-قوّتلشگه اعتبارینی کوچه‌یتیریشی، بونده ایش بیلن تامینلش امکانیتینی آشیریشی کیره‌ک دیدی و خلق اوچون، اولر نینگ اقتصادی و تورموش شرایطینی یخشیلش اوچون حرکت قیلیشلرینی سوردی.
اوچا اداره‌سی باشلیغی اقتصاد وزیرلیگی نینگ سرپرست وزیری کیلگوسی ییلده ایش ریجه‌سیگه کوره، اهالی بندلیگینی تأمینلش بوییچه لایحه‌لرنی عملگه آشیریشگه کتّه اعتبار قره‌تیب، تورلی ساحه‌لرده لایحه‌لرنی عملگه آشیریب، اهالینی ایش بیلن تأمینلشگه حرکت قیلیشینی ایشانتیردی.
