کابل ۲۹ دلو باختر
باش وزیرلیک اداره سی نینگ سیاسی اورین‌باسری مولوی عبدالکبیر کابل و اَیریم ولایتلرده‌گی بیر قطار رسميلر و خصوصی عالی اوقوو یورتلری نینگ پروفیسور-اوقیتووچیلری بیلن اوچره‌شدی.
ارگ خبرنامه سیده شونده‌ی دیب یازدی: بو اوچره‌شووده یوقاریده ذکر ایتیلگن متصدی و پروفیسورلر شونده‌ی دیدیلر: اوتگن ییگیرمه ییل ایچیده دولت عالی اوقوو یورتلری بیلن بیر قطارده خصوصی عالی اوقوو یورتلری هم علمی کادرلر و متخصصلر تیارلشده مهم رول اوینه‌دی.
کیله‌جکده قوللب-قوّتلنسه، کم استعمال بیلن جمعیت احتیاجلریگه ماس روشده کوپلب یاشلرگه عالی معلومات بیریشی ممکنلیگینی قوشیمچه قیلدیلر.
شونینگدیک، مذکور متصدی و پروفیسورلر عالی تعلیم ساحه‌سینی تأمینلش، اولکه و ولایت مقیاسیده علمی ییغیلیشلر اوتکزیشنی تأمینلش، اولر نینگ امکانیتلرینی تیگیشلی بولیم و متصدیلر بیلن بولیشیشلری اوچون ایشلرنی ینه‌ده یخشیلش باره‌سیده تکلیفلر بیریشدی.
باش وزیرلیک اداره سی نینگ سیاسی اورین‌باسری مولوی عبدالکبیر عالی اوقوو یورتلری فعالیتینی جمعیت اوچون مهم دیب اته‌دی و حکومت برچه خصوصی تعلیم مؤسسه‌لرینی کینگ مقیاسده قوللب-قوّتلب، اولرنی قوله‌یلیکلر بیلن تأمینلشگه کفالت بیریشینی ایتدی.
اونینگ قوشیمچه قیلیشیچه، چیت ایلّیکلر نینگ اره‌لشووی افغان جمعیتیگه کوپلب ساحه‌لرگه تأثیر قیلگن و اسلام امیرلیگی برچه ساحه‌لر معمالرینی حل قیلیشگه تولیق اعتبار قره‌تیشگه اینتیله‌دی و وقت اوتیشی بیلن عالی تعلیم سکتوری هم جهازلنه‌دی.
تأکیدلش جایزکی، مذکور ییغیلیشده خصوصی عالی اوقوو یورتلرینی قوللب-قوّتلش، اولر نینگ معما و تکلیفلرینی حل ایتیش مقصدیده کیلگوسیده ییغیلیشلر اوتکزیش و بیرگه‌لیکده‌گی ایشلر نظارتینی تأمینلش مقصدیده باش وزیرلیک اداره سی سیاسی اورین‌باسری تولیق ایشانچ حاصل قیلدی.
