هرات ۲۱ حوت باختر
هرات نینگ کهسان تومنیدهگی سکسان آبادانلشتیریش لایحهسی فایدهلنیشگه تاپشیریلدی.
بو لایحهلر آرهسیده تهینچ دیوارلر قوریش، یوللرگه جغل یاتقیزیش، سوو اوتکزگیچلر قوریش و سوو کاناللرینی تازهلش کیرادی.
بو لایحهلر یاردملشووچی دونر مؤسسهلر، خصوصاً، جهان بانکی کمهگیده بیر یریم ییل دوامیده اوچ یوز میلیون افغانی مبلغ عوضیگه عملگه آشیریلدی.
هرات قیشلاقلرنی آبادانلشتیریش باشقرمهسی باشلیغی مولوی عبدالسلام هجرت باختر آژانسیگه شوندهی دیدی: بو لایحهلر نینگ عملگه آشیریلیشی بیلن خلق نینگ بیرتوپلم معمالری نینگ بیر قِسمی حل قیلیندی.
او شوندهی دیدی: اوشبو لایحهلرده ۲۰ مینگدن آرتیق محلی ایشچیلر ایش بیلن تأمینلندی.
هرات ولایت حاکمی شیخ الحدیث مولانا نور احمد اسلامجار اوشبو لایحهلرنی فایدهلنیشگه تاپشیریش مراسمیده شوندهی دیدی: اسلام امیرلیگی هراتده ۳۰ دن آرتیق ییریک اقتصادی لایحهلرنی عملگه آشیریش ریجهسیگه ایگه.
هرات حاکمی صنعت شهرچهسی قوریلیشی نینگ یکونی ریجهسی، ینگی ترمینل، قوروق پورت، هرات-تورغندی تیمیر یول لینيهسی، سنمت لایحهسی، تاپینی مثال قیلیب کیلتیردی و اسلام امیرلیگی خلققه خدمت قیلهیاتگنینی عملده اثباتلهیاتگنینی ایتدی.
هرات اخبارات و مدنیت باشقرمهسی باشلیغی مولوی احمدالله متقی اوشبو ترقیات لایحهلرینی ایشگه توشیریش مراسمیده شوندهی دیدی: “اسلام امیرلیگی دوریده هیچ قندهی لایحه ایشانچسیزلیک طفیلی توختهتیلمهدی و او مملکتلر و مؤسسهلردن خاطرجمعلیک و تینچلیک بیلن ایشلشنی سوردی.