کابل، ۲ جدی، باختر
عرب ییتکیرمه (رسانه لر) حماس حرکتی رهبری «بیر ایسرائیللیک، اونته فلسطینلیکنی آزاد قیلیش عوضیگه» اسرائیل بیلن مذاکره‌لرنی دوام ایتتیریش شرطینی قویگنی حقیده خبر بیردی.
اونینگ سوزلریگه کوره، ۱۰ کیشی فلسطینلیک اسیر اوچون بیر اسرائیللیک محبوسنی آزاد قیلیش تمایلی همان سه‌قلنیب قالگن.
لبنان اخبارات ییتکیرمه سی نینگ «الاخبار» گزیته‌سی شونده‌ی دیب یازدی: «اسرائیل و حماس اورته‌سیده محبوسلرنی آزاد قیلیش و غزه سکتوریده اوت آچیشنی توخته‌تیش بوییچه مذاکره‌لر دوام ایتماقده و غزه ده‌گی حماس حرکتی رهبری یحیی السنوار واسطه‌چیلرگه شونده‌ی خبر ییتکزدی: وقتینچه‌لیک آتشکیسیمگه اساسلنگن کیلیشوولر وقتی اوتگنینی تأکیدلب، یگانه امکانیت – همه اوچون اسیر المشیش دیر دیدی.
بو ییتکیرمه یحیی السنوار ۱۰ فلسطینلیک اسیر اوچون بیر اسرائیللیک محبوسنی آزاد قیلیش تمایلی همان سه‌قلنیب قالگنینی تأکیدله‌گنینی یازدی.
الاخبار، شونینگدیک، اسرائیل ریجیمی نینگ بو حرکت نینگ یکونی تصدیقلنیشیدن آلدین، کیلیشوو دایره‌سیده آزاد قیلینماقچی بولگن محکوملر نینگ اسملری بیلن باغلیق حماس نینگ طلبلرینی بیلیشنی ایسته‌یاتگنینی اعلان قیلدی.
شو بیلن بیرگه، اسرائیل نینگ «کان» تیلیکنالی مصرده‌گی خبردار منبعگه ته‌یه‌نیب، فلسطین قرشیلیک حرکتی و اوشبو ریجیم اورته‌سیده ینگی اوت آچیشنی توخته‌تیش کیلیشوویگه ایریشیش اوچون بالواسطه مذاکره‌لر جریانی حقیده خبر بیردی.
اوّلراق، اسرائیل ریجیمی نینگ ۱۲ – کانالی اوشبو ریجیم محبوسلرینی آزاد قیلیش اوچون مهم و جدّی مذاکره‌لر آلیب باریله‌یاتگنی، بیراق کیلیشوو یقین آره‌ده ایمسلیگی حقیده خبر بیرگن ایدی.
فلسطین قرشیلیک گروهلری، جمله‌دن، حماسنی یوق قیلیش و اسیرلرینی آزاد قیلیش مقصدیده غزه گه یول آلگن اسرائیل رېپیجیمی، بو حدودده بیر نیچه هفته دوام ایتگن جنایتلردن سونگ اوز مقصدلریگه ایریشه آلمه‌دی و قرشیلیک بیلن مذاکره‌گه اوتدی.
حماس نینگ قرشیلیک کورسه‌تیشی و غزه خلقی نینگ ایپیک یره‌تیلیشی تل ایبت ایندی کوپراق سوره‌شگه ایمس، بلکه یان بیریشگه مجبور قیلدی.
