کابل، ۱۱ قوس، باختر
مملکت ایچکی ایشلر وزیرلیگی نینگ سرپرست وزیری خلیفه سراج الدین حقّانی نینگ ایتیشیچه، افغانستاننی باشقهریش عالِملر قولیده و اولر مملکت منفعتلری و اوستوارلیکلرینی یخشیراق توشونیشهدی.
بو وزیرلیک مطبوعات خدمتی بوگون چاپ ایتگن اخبارات نامه سیده شوندهی یازدی: حقّانی بو بیاناتلرنی کابلده اسلام عالمی علمالریدن عبارت یوقاری مرتبهلی هیئت بیلن اوچرهشوویده ایتدی.
بو اوچرهشووده خلیفه سراج الدین حقّانی اسلام امیرلیگی ایریشگن یوتوقلر حقیده معلومات بیریب، شوندهی دیدی: آخرگی ایکّی ییلده بنگی وار ماده دلریگه قرشی کورهش و معتادلرنی دوالش یخشی یولگه قوییلگن، خوفسیزلیک کفالتلنگن، برقرارلیک و اقتصادی ترقیات آرتیب بارماقده. کوندن – کونگه، مملکتنی قَیته قوریش جریانی جدللیک بیلن دوام ایتماقده.
او، شونینگدیک، «افغانستانده علمالر حکمرانلیک قیلماقده و علمالر مملکت نینگ فایدهلری و اوستوارلیکلرینی یخشیراق توشونیشلری»نی ایتدی.
خلیفه سراج الدین حقّانی بو مملکت نینگ جنگری و مسلمان خلقی نینگ قرشیلیگی نتیجهسیده فلسطین زمینی اشغالدن خلاص بولیشیگه امید بیلدیردی و بو زمین خلقیگه یاردم بیریش برچه افغانلر نینگ شرَفی ایکنینی قوشیمچه قیلدی.
سراج الدین حقّانی نینگ فکریچه: افغانلر نینگ باسقینچیلرگه قرشی کورهشی اوروشده بیردملیک و الله نینگ یاردمی بیلن غلبه قازانیش ممکنلیگینی کورستدی. افغانلر هجومچی قنچهلیک کوچلی و یخشی قوراللنگن بولمسین، اِیمانگه قرشی کوچسیز و آمد سیز ایکنلیگینی اثباتله دیلر.
داکتر علی قره داغی بو علمالر نامیدن افغانلر نینگ مملکت آزادلیگی اوچون کورهشینی دنیا مسلمانلری اوچون مشعل و اسلام عالمی نینگ تاریخی غلبهسی دیب اتهدی و فلسطین مسألهسی «عمومی درد» ایکنلیگینی قوشیمچه قیلدی.
او، شونینگدیک، قطر نینگ افغانستان بیلن همکارلیگی دوام ایتیشیگه ایشانچ بیلدیردی.
خودّی شوندهی، بو ییغیلیشده اشتراک ایتگن فلسطین علمالر مجموعهسی رهبری شیخ داکتر نواف تکروری افغانلر نینگ ۲۰ ییللیک کورهشینی دنیا نینگ مظلوم خلقلریگه الهام دیب اتهدی و فلسطین خلقی نینگ کورهشی و ظالملرگه قرشی مجاهدلر دوام ایتماقده و دنیا مسلمانلری فلسطینلیکلرنی قوللب – قوّتلشگه مسوول دیرلر.