کابل، ۵ دلو، باختر
مولوی عبدالکبیر، باش وزیرلیک اداره سی نینگ سیاسی اورین‌باسری: “اترا” مأموریتی چیکّه حدودلرده مخابراتی خدمتلرینی کورسه‌تیشگه کوپراق اعتبار قره‌تیشی کیره‌ک دیدی.
باش وزیرلیک اداره سی سیاسی مطبوعات خدمتی اخبارات نامه سیده شونده‌ی یازدی: مولوی عبدالکبیر، اترا اداره سی نینگ باشلیغی مولوی سید برات شاه آغا ندیم و رهبریت رئیسی مولوی احمد جان بلال بیلن اوچره‌شوویده، بو حقده امیرلیک شرکتلری کینگشی بیانات بیردی.
اوشبو ییغیلیشده اترا مأموریتی باشلیغی مولوی سید برات شاه آغا ندیم شونده‌ی دیدی: “مخابراتی شرکتلری، صفتلی خدمتلر و کینگ مخابراتی قمراوینی کوچه‌یتیریش مقصدیده جوده کوپ ایشلر قیلیدی”.
اونگه کوره؛ متخصصلرنی ایشگه آلیش آرقه‌لی اترا ایش جریانیده‌گی ایجابی اۉزگریشلردن تشقری، شفّاف طرزده ییغیله‌دیگن اوشبو اداره نینگ درآمدی هم آشدی.
امیرلیک شرکتلری رهبریتی نینگ رئیسی مولوی احمد جان بلال هم امیرلیک شرکتلری نینگ بیزنس امکانیتلری و افغان ایشلب چیقریشلرینی رواجلنتیریش اوچون اهمیتی حقیده گپیریب، ستندرد ایشلب چیقریش و اولر نینگ اوسیشی اوچون اوزینی-اوزی تأمینلش باره‌سیده‌گی سعی-حرکتلر حقیده گپیردی.
بلال نینگ قوشیمچه قیلیشیچه، بیر قطار فعالیت کورسه‌تمه‌یاتگن شرکتلر قَیته ایشگه توشیریلگن و باشقه شرکتلرنی فعاللشتیریش ایشلری آلیب باریلماقده.
باش وزیرلیک اداره سی نینگ سیاسی اورین‌باسری مولوی عبدالکبیر شونده‌ی دیدی: «اترا مأموریتی چیکّه حدودلرده خدمتلر کورسه‌تیشگه کوپراق اعتبار قره‌تیشی، نرخلرنی په‌سه‌یتیریش و مخابراتی ترماقلری اورته‌سیده ساغلام رقابتنی کوچه‌یتیریشگه علیحده اعتبار قره‌تیشی لازم دیدی».
باش وزیرلیک اداره سی نینگ سیاسی اورین‌باسری هم امیرلیک شرکتلری نینگ فعاللشیشینی مهم دیب اته‌دی و بو شرکتلر فعاللشیشی بیلن بیر قطار یاشلر اوچون ایش تأمینلنیشینی قوشیمچه قیلدی.
