کابل، ۲۱ قوس، باختر
افغانستان نینگ اسلام آباددهگی ایلچیخانهسی پاکستان حکومتیدن افغانستان تجارت ملکی نینگ قالگن ۴۵۰ کانتینرینی امکان قدَر تیزراق قوییب یوباریشنی سوردی.
اوشبو ایلچیخانه مطبوعات خدمتی اخبارات نامه سیده شوندهی یازهدی: افغانستان نینگ اسلام آباددهگی ایلچیخانهسی و افغانستان نینگ کراچیدهگی قنسوللیگی نینگ تجارت وکیلی پاکستان تجارت وزیرلیگی نینگ تشقی تجارت بولیمی باشلیغی ماريه کازه خانم بیلن اوچرهشوویده اوشبو طلبنی کوتردی.
ایلچیخانه ۳۰۰۰ گه یقین افغان تجارت ملکی نینگ قوییب یوباریلیشینی آلقیشلهدی و قالگن ۴۵۰ ته کانتینرنی امکان قدَر تیزراق قوییب یوباریشنی طلب قیلدی.
اخبارات نامه گه ککره؛ افغانستان تامانی اوز سوداگرلری نینگ معمالرینی پاکستان تامانی بیلن اورتاقلشدی و اولر اولرنی اطرافلیچه بحث قیلدیلر.
پاکستان تامانی بو سوراولر ترانزیت کمیتهسیگه تاپشیریلیشی و بیرینچی نوبتده ۳ اکتوبر کونی کراچی بندریگه ییتیب کیلگن ۲۵۰ گه یقین کانتینرنی قوییب یوباریش امکانینی بیریشیگه ایشانتیردی.
پاکستان، شونینگدیک، سوداگرلر نینگ تشویشلری حل بولیشی، ترانزیت و سودا ده دوچ کیلگن معمالرگه برهم بیریش اوچون سوداگرلر نینگ یوقاتلیشینی حسابگه آلیب، قالگن کانتینرلرنی قانونی یول بیلن آزاد قیلیشگه وعده بیردی.