په بغلان کې شل تنه بنديان له بندڅخه آزاد شول

کابل باختر دمرغومي دمياشتې ٢٤ :
شل تنه بنديان  د بغلان ولايت له مرکزي جيل څخه آزاد شول.
د بغلان ولايت د استيناف څارنوالۍ د رياست مسوولين وايي چې دافغانستان د اسلامي جمهوريت د جمهور رييس محمد اشرف غني له هغه فرمان سره سم چې د اسلام د سترپيغمبرحضرت محمد مصطفى (ص) دنيکمرغه ميلاد په درناوي صادر شوى و، ٢٠ تنه  بنديان چې درې ښځې هم پکې شاملې دي؛ د بغلان  ولايت له مرکزي جيل څخه آزاد شول .
  د بغلان ولايت دمرکزي جيل دمديريت سرپرست سمونوال سيف الرحمن حيدري د باخترآژانس خبريال ته وويل:  شل تنه بنديان له دوو تنو محجوزينو سره چې دغلا  او د ترافيکي پيښو په جرم بنديان وو ، له بند څخه آزاد شول.
ده زياته کړه: دغه راز د دغه فرمان له مخې د ٦٥ تنو نورو  دبند په موده کې  تخفيف راغلى دى .
د بغلان ولايت دجيل لوى مدير وويل: همدا اوس دبغلان ولايت په مرکزي جيل کې   اته سوه پنځه تنه بنديان شته چې له دې جملې څخه  ٤٤ تنه يې ښځې دي .