کابل باختر د ليندۍ دمياشتې ٢ :
د پکتيا ولايت مقامات په روان کال کې د امنيتي حالت د ښه والي او د دوه زره ټولګټو پروژو د عملي کيدو خبرورکوي، خو خلک وايي چې لا تراوسه پورې هم د وزيرستاني طالبانو په ګډون وسله وال طالبان په ځينو ولسواليوکې فعاليت کوي.
دپکتيا د والي وياند روح الله سمون په هغې غونډه کې چې په ١٣٩٣ کال کې ددغه ولايت د امنيتي او اقتصادي حالاتو او د برياليتوبونو د څيړنې په خاطر جوړه شوې وه؛ د امنيتي حالت د ښه والي ډاډ ورکړ او ويې ويل چې د تېرکال په نسبت امنيتي حالت ښه شوى دى.
ده زياته کړه چې د تېرکال په بهيرکې آن يو ښوونځى او يو کلينيک هم د نا امنۍ اويا د طالبانو د ګواښونو په خاطر نه دى تړل شوى.
ده په څو وروستيو مياشتوکې په يو موټرکې دايښودل شويو بمونو د کشف او شنډولوخبرهم ورکړ او ويې ويل چې امنيتي ځواکونه له جدي ستونزو سره مخامخ نه دي ځکه خلک هم د امنيت په تامينولو او د وسله والوطالبانو په نيولوکې له امنيتي ځواکونوسره همکاري کوي .
خو ځيني خلک وايي چې وسله وال طالبان د دغه ولايت په ځينو ولسواليوکې فعاليت کوي .
د سيدکرم ولسوالۍ اوسيدونکي عبدالله وويل چې د ولسوالۍ مرکز د دولت په لاس کې دى او د وزيرستاني طالبانو په ګډون وسله وال طالبان د دغې ولسوالۍ په شاوخوا کليو کې فعال دي.
عبدالله ادعا کوي چې وسله وال طالبان د لجې منګل، زرملې او د آريوب ځاځي د ولسواليو په ځينو سيموکې هم فعاليت کوي او د هغو کسانو ژوند په خطرکې دى چې له دولت سره اړيکې ولري.
دا په داسې حال کې ده چې تېره مياشت د زرملې په ولسوالۍ کې لس تنه په مرموز ډول او په ډزو سره ووژل شول او مړي يې د ولسوالۍ روغتون ته ليږدول شوي و.
د دغو کسانو مړي د ولسوالۍ په بېلابېلو سيموکې ترلاسه شوي دي چې څلور تنه يې د پکتيا ولايت اوسيدونکي، پنځه تنه خوستيان او يو لوګرى په کې شامل دى خو دا نه ده مشخصه شوې چې دوى دڅه لپاره او د چا لپاره وژل شوي دي؟
د پکتيا د والي د وياند د څرګندونوله مخې: په دغه ولايت کې په روان کال کې څه د پاسه دوه زره ټولګټې پروژګې هم عملي شوې دي چې دغه شمېر د نورو ولايتونو په پرتله زياتوالى ښيي.
ده وويل: د پکتيا ولايت په مرکز او ولسواليوکې په ټولګټو پروژوکې څه دپاسه دوه زره اته سوه پروژې شاملې دي چې له دې جملې څخه څه د پاسه دوه زره پروژې عملي شوې دي او په نورو پروژوکار دوام لري.
د سمون د څرګندونوله مخې: په دغو پروژوکې دپوهنې، سپورت، روغتيا، سړک، کرنې، ښاروالۍ، بريښنا او د اوبو رسولو برخې شاملې دي.
1 2 دقیقې لوستل