په روزګان کې دنويو نښتو له امله د وسله والو طالبانو ته مرګ ژوبله واوښته .

-کابل باختر د لړم ديارلسمه :
اووه تنه  وسله وال طآلبان په روزګان ولايت کې له پوځيانو سره په نويو نښتو کې ووژل شول .
په دغو جګړو کې چې نن سهار ونښتې شپږ تنه نور ډار اچوونکي ټپيان شوي دي .  جګړې دروزګان ولايت دخاص روزګان په ولسوالۍ کې ديرغلګرو دسپرلۍ په کاروان دپوځيانو له ناڅاپي  بريد وروسته ونښتې .
دهېواد په جنوب کې دملي اردو يوه جګپوړي  قوماندان باختراژانس ته وويل  چې په دغو نښتو کې  اووه تنه ډار اچوونکي ووژل شول اوشپږ تنه نور ټپيان شول .