په بدخشان ولايت کې دپوځيانو دبريدونو له امله دڅو تاجکستانيانو په ګډون ديارلس تنه وسله وال طالبان ووژل شول .

-کابل باختر د چنګاښ  شپاړلسمه :
په بدخشان کې دپوځيانو دبريد له امله   دڅلوروتنو تاجکستاني  جګړه مارانو په ګډون ديارلس تنه وسله وال طالبان ووژل شول .
  دغه طالبان  پرون ناوخته په ارغنج خوا ولسوالۍ کې کله چې په تروريستي فعاليتونو بوخت وو دپوځيانو له   کمين سره   مخامخ شول .
دبدخشان ولايت دامنيې قوماندانۍ وياند دباختراژانس خبريال ته وويل چې دپوځيانو په دغه کمين کې  دوسله والو طالبانو د ډلې دڅلورو تنو تاجکستاني  جګړه مارانو په ګډون ديارلس تنه وسله وال طالبان ووژل شول  .
ده وويل:  وسله وال طالبان په تروريستي  فعاليتونوبوخت وو چې دپوځيانو له خوا پرې بريد وشو .
ويل کيږي چې   په دې پيښه کې دسيمې اوسيدونکو او سرتيرو ته زيان نه دى اوښتى .