د “ملي دستر خوان” پروګرام په پنجشېر کې پرانیستل شو

کابل / د لیندۍ ۱۹ مه / باختر
په پنجشېر کې د “ملي دستر خوان” پروګرام نن پیل شو.
دغه پروګرام لومړی په آبشار، عنابې او شتل ولسوالیو کې پیلېږي او وروسته به د دغه ولایت په مرکز او نورو ولسوالیو کې هم پیل شي.
د دغه پروګرام په پرانیستلو کې د پنجشېر ولایت مرستیال محمد امین صدیقي خبرې وکړې او ویې ویل چې د دغه پروګرام له لارې د کروناویروس پر زیانمنو شویو کسانو خوراکي توکي وېشل کېږي.
ویل کېږي دغه پروګرام په یو شمېر نورو ولایتونو کې هم نن پیل شوی دی.
پای / سعیده