کابل/ باختر/ د غبرګولي دمياشتې ١٤ مه :
د حج او اوقافو وزارت په کابل ښار او د هغه په اړوندو ناحيوکې د روژه ماتې او سپيده داغ وختونه مشخص کړي دي.
د حج او اوقافو وزارت د خپرونو رياست باختر آژانس ته خبر ورکړ:
نن د ١٣٩٦ هجري لمريز کال د غبرګولي د مياشتې ١٤ مه، د يکشنبې ورځ چې د روژې د مبارکې مياشتې له نهمې ورځې سره سمون خوري، په کابل ښار او اړوندو ناحيوکې د روژه ماتې وخت د ماښام اووه بجې او شپږ دقيقې او د سپيده داغ وخت دوه بجې او اووه پنځوس دقيقې مشخص شوى دى.
