کابل باختر دوري اتلسمه :
دوه تنه وسله وال طالبان تېره شپه په لوګر ولايت کې د ملي دفاع وزارت د ځانګړو قطعاتو د ځواکونو د امنيتي دندې په بهيرکې ووژل شول.
دملي دفاع وزارت مطبوعاتي دفتر باختر آژانس خبريال ته خبر ورکړ: د ملي دفاع وزارت د خاصو قطعاتو ځواکونو د پادخواب شانه او د پاد خواب روغني په سيمو کې د ډار اچوونکو د ځپلو په خاطر چاڼيز عمليات ترسره کړل چې له امله يې دوه تنه وسله وال طالبان ووژل شول او څلور تنه نور وسله وال طالبان ټپيان او يوه اندازه جنګي وسايل او چاوديدونکي توکي ترلاسه شول.
