کابل – باختر د زمري دمياشتې ١٣
دبدخشان ولايت دتګاب په ولسوالۍ کې د طالبانو او دامنيتي ځواکونو ترمنځ سخته جګړه دوام لري.
دبدخشان ولايت دامنيې قوماندانۍ دامنيت آمر سمونوال سخيداد حيدري دباختر آژانس خبريال ته وويل په دې جګړه کې درې تنه سيمه ييز پوليسان ټپيان شوي او د طالبانو دسردزيان شمير تراوسه معلوم نه دى .
يوه اړونده خبرځاى وويل چې د ريزرف او دخاصې قطعې او دملي امنيت ځواکونه دتګاب ولسوالۍ په لور روان شوي دي چې له امنيتي ځواکونو سره مرسته وکړي.
