په هرات کې تر ځمکې لاندې له منابعو څخه دګټې اخېستنې لپاره هلې ځلې .

کابل باخترد غبرګولې  دولسمه :
د هرات والي محمد اصف رحيمي  په يوه  خبري غونډه کې د هرات ولايت  امنيتي  ټولنيز  او اقتصادي حالات څرګند کړ .
دهرات والي تر ځمکې لاندې دټولو پروژو  په تېره بيا د کانونو دامنيت دتامينولو په برخو کې د هرات د سيمه يېزې ادارې چمتو والى  اعلام کړ او د اقتصادي  ودې او خلکو ته دکاري زمينو دبرابرولو  په لاره کې يې دکانونو ايستلو ته اړتيا مهمه وبلله .
د هرات والي  زياته کړه؛ دسمنتو  فابريکې  اعلان ته ورکړ شوي دي چې په ترڅ کې به يې دغه توليدي مرکز  څخه ګته اخېستنه  له ګاوڼديو هېوادونو څخه دسمنتو د واردولو مخه ونيسي .
رحيمي  د هرات ولايت امنيتي حالت ښه وباله خو ويې ويل: دښمن زياتره وخت هلې ځلې کوي چې؛ په هرات کې په پوځي  او ملکي هدفونو بريدونه وکړي  خو دخداى ( ج )  په فضل  خپلوموخو ته نه دي رسېدلي .
د هرات والي وويل : په دې دليل چې د طالبانو  پوځي اوامنيتي مسوولانو په هرات ولايت کې  لاس ته راوړني  نه درلودې د طالبانو مشرانو خپل ټول پوځي مسوولان په دې ولايت کې بدل کړل خو بيا هم هيڅ برياليتوبونه او لاس ته راوړنې نه لري .
ده خلکو ته  ډاډ ورکړ چې؛ په هرات ولايت کې هيڅ اندېښنې  او امنيتي ګواښونه شتون نه لري خو سره له دې هم د دفاع او کورنيو له وزارتونوڅخه يې وغوښتل چې په خپلوژ منو  عمل وکړي.
د هرات د والي  د څرګندونو له مخې؛ په هرات ولايت کې دملي اردو تشکيلات ١٨٠٠  تنو ته زيات  شوي دي .  ختم- عطاالله _اکرم