واشنګتن باختر د غبرګولي نهه ويشتمه :
په تورخم بندر کې وروستيو نښتو امريکايي مقامات زيات انديښمن کړي دي .
دامريکا دبهرنيو چارو وزارت وياند جان کري پرون په يوه خبرې غونډه کې وويل :هيله لري چې دافغانستان او پاکستان مقامات ددواړو هېوادونو ترمنځ دتاوتريخوالي په حل کولو لاس پورې کړي .
ده زياته کړه چې موږ په تورخم بندر کې دنښتو له امله ژوره انديښنه لرو اولکه څنګه چې پرون مې هم وويل: له دواړو لورو څخه غواړو چې تاوتريخوالى کم اوديالوګ پيل کړي چې ستونزې حل شي او بندر پرانيستل شي او داکار په سوله ئيزه توګه ترسره کړي .
موږ په دې باب دمنځګړيتوب رول نه لوبو .
کري دخپلو خبرو په دوام زياته کړه چې په دې باب يې ددواړو هېوادونو له جګپوړو مقاماتو سره هم خبرې کړې دي .
ده وويل چې افغانستان او پاکستان هم ګډې ګټې لري او هم له ګډو ګواښونو سره مخامخ دي .
افغان او پاکستاني پوځيانو دتيرې اوونۍ ديکشنبې په ورځ په تورخم بندر کې جګړه پيل کړه .
