د هېواد په جنوب کې د شهیدانو له کورنیو سره مرسته وشوه

قندهار باختر د چنګاښ  د میاشتې ۵ مه
د هېواد  په جنوبي ولایت قندهار کې د ۲۳ تنو شهیدانو  له کورنیو  سره د خوراکي  او غیر خوراکي توکو  مرسته  وشوه.
ځايي چارواکي وايي چې دغه مرسته د شهیدانو او  معلولینو چارو ریاست له خوا د هغو  شهیدانو له کورنیو  سره کېږي چې  د روژې  په میاشت کې یې په یوه تروریستي پېښه  کې د  کورنۍ غړي  له  لاسه ورکړل.
په ټولنیزو چارو کې د قندهار د  والي مرستیال حاجی اغالالي (دستګیری) د باختر اژانس سیمه یېز خبریال ته  وویل چې دغه  مرستې به له هغو کورنیو سره دوام ولری کومو کورنیو چې د اسلام  او  هېواد د دښمنانو  د تروریستي بریدونو  له ا مله د  کورنۍ  غړي يې له لاسه  ورکړي.
د کار او ټولنیزو چارو ریاست د کار آمر فضل الباری شمسي بیا وویل چې؛ د زون په سطحه د شهیدانو کورنیو سره د مرستې کولو ۵ کلنه پروژه په لاس کې لري چې له مخې به یې د دغو کورنیو سره نورې مرستې هم وکړئ.پای/وصال