نيويارک رويترز باختر دوږي دمياشتې ١٥ نيټه :
د ملګرو ملتو د سازمان سرمنشي د روهينګيايي مسلمانانو پرخلاف د وروستيو بريدونو د دوام په نسبت خبردارى ورکړى او اعلام يې وکړ چې په ميانمارکې تاوتريخوالي د سيمې امنيت ګډوډوي.
باختر آژانس د رويټرز د خبري آژانس له خولې خبر راکړ:
آنتو نيو ګوترش د ميانمار په راخين ولايت کې د تاوتريخوالي د بندولو غوښتنه وکړه .
ده د سه شنبې په ورځ خبريالانو ته وويل چې د امنيت شورا ته په يوه ليک کې په دې باب خپله انديښنه څرګنده کړې ده او دميانمار دتاوتريخوالي دپاى ته رسولو لپاره يې يو وړانديز طرحه کړى دى.
د روهينګيايي مسلمانانو پرخلاف د ميانمار د اردو د وږي د دريمې نيټې له بريدونو وروسته څه ناڅه ٤٠٠ تنه ووژل شول او نږدې ١٢٥ زره تنه نور بنګله ديش ته وتښتيدل .
پاى ج ذ
