کابل – باختر دچنګاښ دمياشتې ٣
دننګرهار ولايت په بهسودو ولسوالۍ کې د اوبو رسولو او د اوبو دکانالونو دجوړولو پروژې کار پيل شو .
ددغې پروژې له مخې ټاکل شوې ده د اوبو اته کيلومتره کانال جوړ شي او دکرکيلې دخړوبولو لپاره د اوبو دمديريت په اړوند کار ترسره شي .
ددغې پروژې دجوړولو لګښت شپږويشت مليونه افغانۍ اټکل شوى دى، دننګرهار ولايت دکرنې رييس شاکرالله دباختر آژانس خبريال ته وويل چې ددغې پروژې په بشپړيدو سره د اوبو دضايع کيدو او دسيلاونو مخه نيول کيږي او د بزګرانو ځمکې به خړوبې شي.
دننګرهار دبهسودو بزګران ددغې پروژې هرکلى وکړ او هغه يې دخپلو کرکيلې دښه والې په برخه کې ارزښتناک وبلل.
