په هرات کې ديو روغتون دمسوول دګواښلو او له هغه څخه دبډې غوښتنې په وخت کې د دوو وسله والو طالبانو نيول

کابل باختر د چنګاښ  اتلسمه :
دطالبانو په ډلې پورې اړوند دوه تنه چې دهرات په ښار ک په بډو اخستلو بوخت و  دملي امنيت دکارکوونکو له خوا ونيول شول .
دغه کسان چې دګذرې ولسوالۍ  دسيوشان دکلي  اوسيدونکي دي په هرات کې د کيشا روغتون له مسوول څخه دبډې اخستلو په وخت کې ونيول شول .
  تورنوکسانو دکيشا روغتون څښتن  په وژلو  اوطالبانو ته  دپيسو په ورکولو ګواښلى و چې دپيسو دترلاسه کولو په وخت کې دوسله والو طالبانو دسندونو اواخطاريې سره ونيول شول .
  دهرات ولايت يوه امنيتي مسوول دباختراطلاعاتي اژانس خبريال ته وويل چې په دې برخه  کې څيړنه روانه ده .