ټولنه

ابلاغيه

کابل باختر دوري دمياشتې ٢٦ :
د کورنيو چارو وزارت دپاسپورټ رياست ابلاغيه
د افغانستان د اسلامي جمهوريت د کورنيو چارو وزارت د پاسپورټ رياست  هلې ځلې کوي د پاسپورټ د ويشلو په لاره کې د هېواد د خلکو غوښتنې په لنډ ممکن وخت کې ډير ژر وڅيړي  .
د قانون له مخې د هېواد له ټولو ولايتونو څخه را رسيدلي سندونه د روان کال د وري د مياشتې تر  ١٦نيټې پورې د پاسپورټ په مرکزي اداره کې بشپړ شوي دي  او بېرته اړوندو ولايتونو ته د چټک پوست له لارې ليږل شوي دي.
له دې امله د پاسپورټ هغو غوښتوونکو چې له دغې نيټې څخه مخکې يې خپل غوښتنليکونه د خپلو اړوندو ولايتونو د پاسپورټ آمريتونو ته سپارلي دي؛  کولاى شي له اړونده ولايت څخه خپل پاسپورټونه ترلاسه کړي.
د ټولو ولايتونو د پاسپورټ  آمرينو ته لارښوونه شوې ده چې له  کومې پلمې پرته  دې ډير ژر د خلکو پاسپورټونه د هغوى په واک کې ورکړي.
د پاسپورټ په مرکزي اداره کې د ظرفيت او شفافيت لوړيدو ته په پام کې نيولو سره دغه اداره اوس کولاى شي چې له ولايتونوڅخه د را رسيدلوسندونو دبشپړتيا په صورت کې په لسو ورځوکې غوښتل شوي پاسپورټونه چاپ او بېرته يې اړوندو ولايتونو ته وليږي.

دوام

ورته لیکنې

Leave a Reply

Your email address will not be published.

دکمه بازگشت به بالا