کابل، غبرګولي ۲۰مه، باختر
د اوبو رسولو د درېو شبکو د جوړولو قرارداد پرون د غور ولایت د کلیو د بیا رغونې او پراختیا ریاست او د شرشرعليا پراختیایي شورا ترمنځ لاسلیک شو.
د غور د کليو د بيا رغاونې او پراختيا رياست يوه مسوول د باختر آژانس خبريال ته وويل؛ د اوبو رسولو د دغو درېو شبکو د جوړولو قرارداد د ١٣ ميليونه ٢٩٧ زره افغانيو په لګښت د يونيسف موسسې او د خلکو په ونډې سره د کليو د بيا رغاوني او پراختيا وزارت د اوبو رسولو او روغتيا ساتنې د ملي پروګرام له لارې د دولتيار ولسوالۍ اړوند په کوز او بر شرشرعليا کليو کې د غور د کليو د بيارغاونې او پراختيا رياست او د کليو د پراختيايي شورا ترمنځ قرارداد لاسليک شو.
د يادونې وړ ده، چې د يادو پروژو کار به په اتو مياشتو کې د سيمه ييزې شورا له
خوا بشپړ شي او د دغو پروژو په پلې کېدو سره به د (۹۰۰) کورنيو د څښاک د اوبو ستونزه هواره شي.
\ ذ
