رییس جمهوری با رییس جمهوری تاجکستان، صحبت تیلفونی کرد

کابل/ ۲۳ دلو/ باختر
محمد اشرف غنی رییس جمهوری اسلامی افغانستان امروز با امام علی رحمان رییس جمهوری تاجکستان، صحبت تیلفونی کرد.
به اساس معلومات دفتر مطبوعاتی ریاست جمهوری به آژانس باختر، در این مکالمۀ تیلفونی، سران دو کشور در مورد گسترش روابط دوجانبه، روند صلح افغانستان و همکاری های منطقه یی بحث و تبادل نظر کردند.
رییس جمهور تاجیکستان حمایت خود را از دیدگاه ها و برنامه های حکومت افغانستان در عرصه اتصال منطقه یی و روند صلح به رهبری و مالکیت افغانان ابراز کرد.
همچنان رؤسای جمهوری دو کشور بر گسترش همکاری های اقتصادی، تجارتی و سرحدی تاکید کردند و رییس جمهور تاجکستان از رییس جمهور غنی به خاطر اشتراک در ۲۰ مین سالگرد تاسیس سازمان همکاری های شانگهای که قرار است در مارچ در تاجکستان برگزار شود، دعوت کرد. صائم