داکترکمال سادات : پیشرفت جوانان درحقیقت پیشرفت مملکت ما است

کابل باختر 3 میزان
داکترکمال سادات معین امورجوانان وزارت اطلاعات وفرهنک امروز دردیدار با شماری از جوانان وبزرگان ولایت پکتیکا ، مشکلات جوانان آن ولایت را درعرصه های مختلف بررسی کرد .
به اساس معلومات مدیریت عمومی نشرات معینیت امورجوانان به آژانس باختر ، درین دیدار فرصت سازی به تحصیلات عالی و ایجاد اشتغال ازجمله مشکلاتی بودند که پیرامون آن ها بحث گردید .
یارخان اوخانیار یک تن از بزرگان ولایت پکتیکا به نماینده گی ازدیگران صحبت  کرد  و درمورد فراهم سازی فرصت های تحصیلات عالی ، برنامه های آموزشی و کاریابی برای جوانان آن ولایت ، خواهان توجه و همکاری معینیت امورجوانان شد.
معین امورجوانان در رابطه به برنامه های آن اداره درزمینه رشد استعدادهای جوانان، معلومات داد و گفت که توجه به جوانان درحقیقت توجه به پیشرفت و ترقی کشورمی باشد .
همینگونه داکترکمال سادات ازهمکاری های معینیت امورجوانان با آنان اطمینان داد . یارخان ازکارکردهای معینیت امورجوانان ستایش کردو گفت که درین اواخربیشتربه جوانان کارصورت گرفته است. نالان