داکتر عبدالله : ما خواهان گسترش همکاری‌‌های اقتصادی و امنیتی با تاجکستان هستیم

کابل باختر26 اسد
داکتر عبدالله عبدالله رئیس اجرائیه جمهوری اسلامی افغانستان امروز در قصر سپیدار با شرف الدين امام سفیر جمهوری تاجکستان در افغانستان دیدار نمود.
به اساس معلومات دفتر مطبوعاتی ریاست اجرائیه به آژانس باختر: در این نشست سفیر تاجکستان از تطبیق بیشترین خواست‌های حکومت افغانستان که در جریان سفر رسمی رئيس اجرائيه کشور به تاجکستان مطرح گردیده بود٬ و از کار روی عملی شدن برنامه کاسا یکهزار معلومات ارایه کرد.
در این نشست همچنان نا امنی‌ها در شمال کشور٬ همکاری‌های امنیتی و اطلاعاتی و آخرین تحولات سیاسی مورد بحث و تبادل قرارگرفت.
رئيس اجرائیه با تاکید بر اصل همکاری و تعاون در تمام عرصه‌ها میان دو کشور گفت: ما خواهان گسترش همکاری‌‌های اقتصادی و امنیتی میان افغانستان و تاجکستان هستیم.