رییس جمهوری تاجکستان وارد کابل شد

کابل باختر 6 حمل
محمدیونس قانونی، معاون اول ریاست جمهوری امروز در میدان هوایی بین المللی کابل از امام علی رحمان رئیس جمهور تاجکستان و هیئت همراه استقبال کرد.
به اساس معلومات دفتر مطبوعاتی ریاست جمهوری به آژانس باختر، معاون اول ریاست جمهوری در حالیکه ضرار احمد عثمانی وزیرامور خارجه،  داکتر رنگین سپنتا مشاور امنیت ملی ، دکتور سید مخدوم رهین وزیر اطلاعات وفرهنگ، عبدالجبار تقوا  والی ولایت کابل، محمدیونس نواندیش شاروال کابل، داکترشراف الدین امام سفیر جمهوری تاجکستان در کابل و تعدادی از مقامات بلند پایه دولتی حاضر بودند به امام عالی رحمان رئیس جمهوری تاجیکستان  و هیئت همراه خوش آمدید گفته و برای آن ها اقامت خوش در افغانستان  آرزو کرد.
رئیس جمهوری تاجکستان و هیئت همراه برای شرکت در مراسم جشن بین المللی نوروز که با حضور روسای هشت کشور، که امسال در افغانستان برگزار میگردد، وارد کابل گردیده است.