کابل باختر – اول دلو
مارشال محمد قسیم فهیم ،معاون اول ریاست جمهوری پس از چاشت امروز با شماری از بزرگان ، نمانیده گان مردم درشورای ملی وشورای ولایتی ولایت بادغیس دیدار کرد .
به اساس معلومات دفتر مطبوعاتی ریاست جمهوری به آژانس باختر ، دراین دیدار معاون اول ریاست جمهوری همیاری مردم وهمکاری آنان را بادولت ،ضامن بقای نظام دانسته گفت که مردم ولایت بادغیس نیز همانند مردم دیگر ولایات کشور حق دارند ازهمه مزایای نظام برخوردار باشند وبه آنها ازسوی دولت خدمات ارایه گردد .
معاون اول ریاست جمهوری افزود که توسعه وانکشاف درهرولایتی درسایه امنیت وثبات صورت میگیرد ومطمین هستم مردم ولایت بادغیس نیز دراین راستا همراه با مسوولان ولایت شان همکاری میکنند .
دراین دیدار دوتن ازبزرگان ولایت بادغیس پیرامون مشکلات ودشواری های مردم آن ولایت از ناحیه نبود آب آشامیدنی ، کمبود برق وتوقف کار قیر ریزی جاده حلقوی که به هرات وصل می شود ، صحبت نموده واز معاون اول ریاست جمهوری خواستند تادر این زمینه ها توجه کرده ومشکلات باشنده گان آن ولایت را مرفوع سازد .
معاون اول ریاست جمهوری به بزرگان بادغیس وعده دادکه به مسایل مطروحه ازطریق نهادهای مسول توجه خواهد شد .
