کابل باختر 25 میزان
داکتر عنایت الله بابر فرهمند که به تازه گی به اساس حکم رئیس جمهور اسلامی افغانستان به حیث رئیس دفتر مقام معاونیت اول ریاست جمهوری مقرر گردیده است، به کارش آغاز کرد.
فرهمند امروز توسط فیض الله ذکی مشاور ارشد ریاست جمهوری به کارکنان دفتر معاونیت اول ریاست جمهوری معرفی گردید.
در این نشست داکتر عنایت الله بابر فرهمند رئیس دفتر مقام معاونیت اول ریاست جمهوری ضمن تشکر از اعتماد رهبران حکومت وحدت ملی نسبت به او و گزینشش در این پست، به مشاورین و کارمندان دفتر خویش وعده کرد که در همکاری و همیاری با آنها امور محوله را در راستای خدمت به کشور و مردم عزیز افغانستان به پیش خواهد برد.
داکتر عنایت الله بابر فرهمند پیش از این نماینده مردم جوزجان در ولسی جرگه بوده، دارای تحصیلات عالی و تجارب کافی می باشد.
