کابل15 حوت باختر
قربانقلی بردی محمداف، رهبر ملی مردم ترکمن و رییس مجلس خلق مصلحتی جمهوری ترکمنستان از نمایشگاه ترکمن- افغان دیدن کرد.
دفتر مطبوعاتی وزارت صنعت و تجارت امروز با نشر این خبر گفته است: قربانقلی بردی محمداف، در نشست با الحاج نورالدین عزیزی، سرپرست وزارت صنعت و تجارت امارت اسلامی افغانستان به مسوولان ترکمنستان هدایت سپرد تا از سیخ‌گول، سنگ‌مرمر، رنگ و سایر اقلام در فاز دوم شهرک ارقداق استفاده کنند.
رهبر ملی ترکمنستان همچنان به نهادهای مسوول در کشورش هدایت داد تا روی گسترش همکاری اقتصادی، ترانزیتی و تجارتی میان ترکمنستان و افغانستان با رهبری وزارت صنعت و تجارت افغانستان تماس های دوامدار داشته باشند. قابل‌یادآوری است: این اولین باریست که قربانقلی بردی محمداف، رهبر ملی مردم ترکمن و رییس مجلس مصلحتی جمهوری ترکمنستان دریک نمایشگاه خارجی، در آنکشوراشتراک می‌نماید که نشان‌دهنده حسن‌نیت وی با دولت و مردم افغانستان می‌باشد.
