رییس اجراییه کشور با سخنگویان اداره‌های دولتی دیدار کرد

کابل باختر 28 جدی
داکتر عبدالله عبدالله، رييس اجراييه كشور، دیروز با سخنگويان وزارت‌ها و اداره‌های مستقل دولتی دیدار و ملاقات کرد.
دفتر مطبوعاتی ریاست اجرائیه به آژانس باختر خبر داد، در این دیدار، رییس اجراییه کشور، مسوولیت و رسالت سخنگویان نهادهای دولتی را در امر اطلاع‌رسانی مهم و سنگین خواند.
دوکتور عبدالله عبدالله با بیان این‌که در مواردی کارکردهای نهادهای دولتی به‌گونه واقع‌بینانه بازتاب نیافته است، گفت که رسانه‌ها با گذشت زمان مسلکی‌تر و معیاری‌تر به کار اطلاع‌رسانی می‌پردازند و حالا تنها به جنبه‌های منفی کار نهادها نمی‌پردازند؛ بل‌که موارد مثبت را نیز بازتاب می‌دهند. ختم/ عبدالخالق