د لبنان جمهور رييس وټاکل شو

-بيروت  باختر د لړم  يوولسمه :
د لبنان پارلمان د دغه هېواد پخوانى لوى درستيز ميشل عون دجمهور رييس په توګه انتخاب کړ او د دغه هېواد له صدر اعظم سعد الحريري سره په موافقه  کې يې د قدرت دوه کلنه تشه پاى ته ورسوله.
ميشل عون چې حزب الله يې ملاتړ کوي؛ وکولى شول د پارلمان د غړو د ١٢٧ رايو له جملې څخه  د ٨٣ رايو  په ترلاسه کولو د لبنان د جمهور رييس په توګه انتخاب شي.
په لبنان کې د قدرت د ويش د موافقه ليک له مخې، جمهور رييس بايدعيسوى، صدر اعظم سني او د پارلمان رييس شيعه وي.
د لبنان د جمهوري رياست څوکۍ له  ٢٠١٤ ميلادي کال راپديخوا د ميشل  سليمان د جمهوري رياست د مودې له پوره کيدو وروسته تشه پاتې شوې وه .