کابل باختر دمرغومي دمياشتې ٢٥ :
په جوزجان ولايت کې په ٢٤ تنو بزګرانو نن ددغه ولايت دکرنې او اوبولګولو درياست له خوا دبڼوالۍ پرمخ تللي وسايل او تجهيزات وويشل شول.
د جوزجان ولايت دکرنې او اوبولګولو رئيس محمد رحمن ارغنديوال دباختر آژانس خبريال ته وويل ؛ ددغه ولايت د شپږو ولسواليو په ٢٤ تنو بڼوالو دبڼوالۍ عصري وسايل او تجهيزات وويشل شول.
ارغنديوال څرګنده کړه په دغو وسايلو او تجهيزاتو کې زنبيل ، بياتي ، دسکشې ، موزې ، د ميوو د راټولولو مخصوص سبدونه ، متر، رجه ، او دکار نور لوازم شته چې له بڼوالو سره دميوو د راټولولو ، د تاکونو دغوڅولو ، ددرملو د شيندلو او د ونو دساتنې په برخو کې مرسته کوي.
