کابل / د مرغومي ١٩مه / باختر
په زابل کې ۲۱ وسله وال طالبان په نویو نښتو کې ووژل شول.
پر دغو طالبانو له تېرې شپې تر نن سهاره پورې د پوځیانو پر پوستو له بریدونو وروسته د هوا او ځمکې له لارې بریدونه وشول.
د هېواد په جنوب کې د اتل قول اردو د رسنیو دفتر د یوې خبرپاڼې په خپرولو سره ویلي دي چې په یادو جګړو کې ۲۱ وسله وال طالبان وژل شوي دي.
د رارسېدولو خبرونو له مخې؛ د پوځیانو پر پوستو د وسله والو طالبانو د بریدونو په بهیر کې هوايي قواوو د دښمن پر پټنځیو بریدونه وکړل چې څلور پتڼځي یې ویجاړ شول.
وسله والو طالبانو تراوسه په دې اړه څه نه دي ویلي.
پای/ع
