امريکا له تضمين پرته ځان دعراق په جګړه کې نه شاملوي

واشنګتن ايرنا  باختردغبرګولي دمياشتې ٢٤ :
د امريکا جمهور رييس بارک اوباما پرون  د عراق دپيښو په وړاندې په غبرګون کې وويل :  چې  داعش دتروريستانو  له پرمختګ سره دمقابلې لپاره عراق ته  دځمکنيو ځواکونو له استولو پرته  دانتخابونو دڅيړنې په  حال کې دى.
له واشنګتن څخه دفرانسې دخبري آژانس دخبر له  مخې :  اوباما په همدې حال کې  خبردارى ورکړ چې عراق بايد خپلې ستونزې او اختلافونه  حل کړي.
اوباما وويل :   موږ امريکايي ځواکونه په عراق کې  دجګړې ډ ګر ته بيرته نه ستنوو خو دخپل ملي امنيت  له ټيم څخه مو غوښتي دي  چې دعراق  له امنيتي ځواکونوسره  دملاتړ لپاره  نور انتخابونه برابر کړي.
دامريکا د جمهوررييس دڅرګندونوله مخې :  دعراق او شام داسلامي دولت په نامه  ډله  دعراق  لپاره ګواښ دى . خو دغه را ز  دايدالوژۍ او دتاوتريخوالي  په دليل کولاى شي دامريکا ګټې هم وګواښوي .
اوباما په همدې حال کې وويل ، په پاى کې عراقيانو ته پکار دى چې خپلې ستونزې حل کړي .
ده زياته کړه امريکا په آسانۍ  سره ځان په  عراق کې  په پوځي اقدام کې نه ښکيلوي خو دا چې دعراق دولت  دفرقه يي تاوتريخوالي کمښت تضمين کړي.