دوه ماشومان په کاپيسا کې د طالبانو په راکټي بريد کې ټپيان شول

-کابل /دوري ١٠مه / باختر :
دوه ماشومان په کاپيسا کې  د طالبانو ډلې  په راکټې بريد کې ټپيان شول.
دغه پېښه پرون ناوخته  د اله ساى ولسوالۍ بازار ته څېرمه هغه وخت رامنځته شوه چې وسله والو طالبانو د استوګنې پر يوې سيمې راکټي بريد وکړ.
دکاپيسا يو امنيتي مقام باختر اژانس ته وويل  چې  د طالبانو په دې راکټي بريد کې دوه ماشومان ټپيان شوي دي.
هغه وويل: په بريد کې  د استوګنې درې کورونه هم ويجاړ شوي دي.
ډاکټرانو ديوه ټپي ماشوم روغتيايي حالت نازک بللى دى.
طالبانو تراوسه پورې په دې اړوند څه نه دي ويلي.
ختم_ ج _اکرم