کابل ( بی این اے ) وزیر صحت عامہ ڈاکٹر قلندر عباد نے قندھار میں 350 بستروں پر مشتمل عینو مینہ ہسپتال کے مختلف شعبوں کا دورہ کیا۔
وزارت صحت عامہ کی پریس ریلیز میں کہا گیا ہے کہ ڈاکٹر قلندر عباد نے دورے کے دوران مذکورہ ہسپتال کے ہیلتھ ورکرز کو عوام کی بہتر خدمت کے سلسلے میں ضروری ہدایات دیں اور یقین دہانی کرائی کہ اس ہسپتال کے طبی خدمات کے معیار و مقدار اور طبی عملے کی تربیت اور استعداد کار بڑھانے کے شعبوں پر خصوصی توجہ دی جائے گی۔
انہوں نے وعدہ کیا کہ وزارت صحت عامہ مذکورہ ہسپتال میں صحت کے کچھ خصوصی شعبوں کو فعال کرنے کا منصوبہ رکھتی ہے۔ تاکہ لوگوں کی ضروریات کو مدنظر رکھتے ہوئے طبی خدمات فراہم کی جائیں۔
وزیر صحت عامہ نے عینو مینہ ہسپتال میں مریضوں کے مسائل بھی سنے اور ان کے حل کی یقین دہانی کرائی۔
