کابل (بی این اے ) بغلان کے دیہی تعمیر نو و ترقی کے محکمے کے حکام کا کہنا ہے کہ رواں سال محکمہ نے اس صوبے کے چھ اضلاع میں 157 منصوبوں کے تحت حفاظتی اور گیبیئن دیواریں ، پانی کے کنویں اور متعدد نہریں تعمیر کیے ہیں۔
بغلان دیہی تعمیر نو و ترقی کے محکمے کے چیف پروگرام آفیسر انجینئر وسیم راشدی نے بتایا کہ اس صوبے کے دوشی، خنجان، بنو، دہ صلاح، پل حصار اور تالہ و برفک اضلاع میں ورلڈ بینک نے 18 کروڑ 74 لاکھ 48 ہزار 526 افغانی کی لاگت سے حفاظتی، گیبیئن والز اور پانی کے کنویں تعمیر کیے ہیں ، نیز متعدد نہروں کی تعمیر کے علاوہ کچھ نہروں کی بحالی بھی کی ہے۔
وسیم راشدی نے مزید کہا کہ مذکورہ منصوبوں کی تکمیل سے26 لاکھ 27 ہزار 186 افراد براہ راست مستفید ہوئے۔
بغلان ضلع خنجان ولیان درے کے رہائشی نصرت اللہ امیری نے کہا کہ ان منصوبوں کی تکمیل سے پانی کے انتظام، آبپاشی اور کرکیلا کو پانی کی فراہمی کے حوالے سے ان کے مسائل حل ہو گئے ہیں اور وہ مزید پراجیکٹس پر عملدرآمد کی درخواست کرتے ہیں۔
