کابل (بی این اے)افغان وزیر حج و اوقاف نے حج ویزا پرنٹنگ سسٹم کمیٹی کے ورک فلو کا دورہ کرتے ہوئے کہا کہ افغان عازمین کو مقررہ وقت پر بیت اللہ کا حج کرنے کے لیے سعودی عرب بھیجا جائے گا۔
وزارت حج و اوقاف کے پریس آفس نے آج ایک خبر میں کہا ہے کہ
وزیر حج و اوقاف شیخ الحدیث ڈاکٹر مفتی نور محمد ثاقب نے الیکٹرانک مسار کمیٹی کے ورک فلو کا جائزہ لیا اور حجاج کے ویزہ و پاسپورٹ کے کام کی معلومات حاصل کیں۔
اس دوران وزیر حج و اوقاف نے کہا کہ سابقہ تجربات کو مدنظر رکھتے ہوئے اس سال حج کے عمل کو اچھی طرح سے منظم کیا گیا ہے۔ وزارت حج کے حکام اور ملازمین نے اپنی کوششوں سے حجاج سے متعلق ہر فریق کے ساتھ مزید ہم آہنگی سے افغان عازمین حج کو بیت اللہ شریف کا حج کرنے کے لیے سعودی عرب تک کا سفر کا انتظام مکمل کرلیا ہے اور حجاج کے لیے وہاں بھی ضروری سہولیات تیار کر رکھی ہیں۔
واضح رہے کہ آریانا اور کام ایئر کمپنیوں کی جانب سے جلد ہی افغانستان سے سعودی عرب کے لیے حج پروازیں شروع ہوں گی۔
