کابل(بی این اے) اقتصادی کمیشن کے اجلاس میں ملک کی 12 کسٹمز پورٹس پر الیکٹرانک اسکینرز کی تنصیب، وزارت ہاؤسنگ و شہری ترقی کے اقتصادی منصوبے اور بعض دیگر موضوعات پر تبادلہ خیال کیا گیا۔
باختر نیوز کو دی گئی معلومات کے مطابق آج نائب وزیر اعظم برائے اقتصادی امور ملا عبدالغنی برادر اخوند کی صدارت میں منعقد ہونے والے اس اجلاس میں جامع بحث کے بعد پرائیویٹ سیکٹر کی جانب سے ملک کی 12 کسٹمز پورٹس پر الیکٹرانک سکینرز لگانے کے منصوبے کی منظوری دے دی گئی ہے۔ اس منصوبے کے مطابق نجی شعبہ پبلک پرائیویٹ پارٹنرشپ کے ذریعے اس منصوبے پر تقریباً 8 ارب افغانی سرمایہ کاری کرے گا۔
اقتصادی کمیشن کے اجلاس میں وزارت ہاؤسنگ اینڈ اربن ڈویلپمنٹ کے اقتصادی منصوبے پر بھی غور کیا گیااور جائزہ لینے کے بعد فیصلہ کیا گیا کہ ہاؤسنگ و شہری ترقی کی وزارت پالیسی ساز ہے، پروجیکٹ کا سروے، ڈیزائن اور نگرانی یہ وزارت کرے گی اور اس پر عمل درآمد متعلقہ وزارتوں اور اداروں کی ذمہ داری ہوگی۔
