کابل (بی این اے) نیشنل اسٹینڈرڈ ادارے کے حکام کا کہنا ہے کہ انہوں نے غیرمعیاری تیل کے 13 ٹینکرز ایران کو واپس کردیے ہیں۔
ادارے نے ایک پریس ریلیز میں کہا کہ صوبہ نیمروز میں ادارے کے معیار پر پورا نہ اترنے والے غیرمعیاری تیل (ڈیزل اور پٹرول) کے 13 ٹینکرز ایران کو واپس کر دیے گئے۔
رپورٹ میں مزید کہا گیا ہے کہ حال ہی میں نیشنل اسٹینڈرڈز ادارے نے غیرمعیاری تیل کی درآمد روکنے کے لیے عملی اقدامات کیے ہیں۔
ادارے نے تمام تاجروں سے درخواست کی ہے کہ وہ ملک میں معیاری اشیاء درآمد کریں، بصورت دیگر انہیں اسی قانونی کارروائی کا سامنا کرنا پڑے گا۔
واضح رہے کہ گزشتہ روز بھی مذکورہ ادارے کی جانب سے 20 ٹینکرز غیرمعیاری تیل ایران کو واپس کر دیے گئے۔
