کابل ( بی این اے ) وزارت پانی و توانائی نے یونیسیف کے تعاون سے کابل میں پانی کی کمی کے مسئلے پر ایک مشاورتی ورکشاپ کا انعقاد کیا۔
اس ورکشاپ کا مقصد کابل شہر میں پانی کے ذرائع کے بہتر انتظام کے لیے مجوزہ منصوبوں کو حتمی شکل دینا اور اس شہر میں پانی کی کمی کے مسائل کو حل کرنا ہے۔
باختر نیوز کو دی گئی معلومات کےمطابق اس ورکشاپ میں وزارت پانی و توانائی کے پانی کے شعبے کے سربراہان، یونیسیف کے "واش” پروگرام کے سربراہ ، گورنر آفس کابل کے نمائندگان اور صوبے کے مختلف محکموں کے نمائندوں نے شرکت کی۔ ورکشاپ میں کابل کینال ڈیپارٹمنٹ کے چیف انجینئر حبیب الرحمن حقپال نے کابل شہر میں پانی کے ذرائع کی صورتحال کے بارے میں ایک پریزنٹیشن دی۔ شرکاء نے بھی اس موضوع پر اپنے خیالات کا اظہار کیا۔
شرکاء کے خیالات اور تیکنیکی تجربات کے تبادلے کے بعد ضروری فیصلے کیے گئے اور کہا گیا کہ کابل شہر میں پانی کی کمی کے مسئلے کو حل کرنے کے لیے منصوبوں اور تجاویز کو حتمی شکل دی جائے اور مستقبل میں عملی اقدامات کے لیے موثر اقدامات کیے جائیں۔
