کابل(بی این اے) نائب وزیراعظم برائے اقتصادی امور ملا عبدالغنی برادر سے آج متعدد ازبک سرمایہ کاروں نے ملاقات کی۔
ملاقات میں ازبک سرمایہ کاروں نے افغانستان میں کوئلے کے استخراج اور پروسیسنگ، کوئلے سے بجلی کی پیداوار، ایک معیاری آئل ریفائنری کی تعمیر، سیمنٹ فیکٹری کی تعمیر، نمک کی کان کنی اور معیاری نمک کے حصول، معیاری ٹیکسٹائل فیکٹریاں لگانے اور ای گورننس میں سرمایہ کاری کرنے پر آمادگی ظاہر کی۔
ازبک سرمایہ کاروں نے مزید کہا کہ افغانستان سرمایہ کاری کے لیے موزوں ملک بن گیا ہے اور وہ ان شعبوں میں سرمایہ کاری کرنے اور اپنے تجربات افغانوں کے ساتھ شیئر کرنے کے لیے پوری تیاری کے ساتھ آئے ہیں۔
بعد ازاں نائب وزیراعظم نے افغانستان میں مختلف شعبوں میں سرمایہ کاری پر آمادگی پر ازبک سرمایہ کاروں کا شکریہ ادا کیا اور انہیں یقین دلایا کہ وزارتیں اور ادارے اپنے اپنے شعبوں میں ان کے ساتھ تعاون کریں گے۔
