کابل ( بی این اے ) فاریاب ضلع چہل گزی میں 15 ملین افغانی کی لاگت سے لڑکیوں کے ایک پرائمری سکول کی عمارت تعمیر مکمل ہوئی اور آج اس کا باقاعدہ افتتاح کیا گیا۔
سکول کی افتتاحی تقریب میں صوبائی سربراہ محکمہ تعلیم مولوی سید حفیظ اللہ معتصم باللہ سمیت دیگر مقامی حکام اور عام لوگوں نے شرکت کی۔
علاقہ مکینوں نے سکول کی تعمیر کو اپنے بچوں کی تعلیم اور روشن مستقبل کے لیے مفید قرار دیا اور دیگر علاقوں اور اضلاع میں بھی اسی طرح کے منصوبے شروع کرنے کی درخواست کی۔
