کابل (بی این اے) افغان وزیر داخلہ سراج الدین حقانی نے ملائیشیا کے وفد سے ملاقات میں کہا کہ ہم دنیا کے تمام ممالک بالخصوص عالم اسلام کے ساتھ اچھے تعلقات اور تعامل چاہتے ہیں۔
وزارت داخلہ کے پریس آفس نے آج کہا ہے کہ افغان وزیر داخلہ الحاج خلیفہ سراج الدین حقانی نے کابل میں ملائیشین وفد سے ملاقات کی جس میں ملائیشین وزارت داخلہ، وزارت خارجہ، وزارت دفاع کے نمائندے اور وزیراعظم کے دفتر کے مشیر شامل تھے۔
اس ملاقات میں وزیر داخلہ نے کہا کہ ہم دنیا کے تمام ممالک بالخصوص اسلامی دنیا کے ساتھ اچھے تعلقات اور تعامل چاہتے ہیں، ملائیشیا ایک ترقی یافتہ اسلامی ملک ہے، ہمیں ان کے ایسے تجربات سے استفادہ کریں گے جو ہمارے جغرافیہ اور تاریخ اعتبار سے ہم آہنگ ہوں۔
وفد کی سربراہ مسز داتو ڈاکٹر شازلینا نے ملائیشیا کے وزیراعظم کی جانب سے خلیفہ سراج الدین حقانی کو تہنیتی اور نیک خواہشات کا پیغام پہنچایا اور سائبر سیکیورٹی اور ڈیجیٹل کرائمز کے شعبے میں ملائیشیا کی کوششوں اور صلاحیتوں کے بارے میں بھی معلومات فراہم کیں اور وعدہ کیا کہ ملائیشیا اپنے تجربات کے ساتھ افغانستان میں موجودہ نظام کا تعاون کرے گا۔
ملاقات میں دونوں ممالک کی وزرات داخلہ نے منشیات کی اسمگلنگ کے خاتمے، افغان پولیس کی تربیت اور دونوں فریقوں کے درمیان تجربات اور تعاون کے تبادلے پر تبادلہ خیال کیا۔
