هرات ۲۰ دلو باختر
هراتدهگی هلاکتلی زلزله قربانلری اوچون اوی-جای قوریش و ییتکزیب بیریش تورکومیده بو سفر اولرگه ینه ۶۹ ته اوی ییتکزیب بیریلدی.
هرات ولایتی حاکمی نینگ اورینباسری مولوی حیات الله مهاجر فراهی بو اویلرنی تقسیملش مراسمیده اسلام امیرلیگی بو اویلرده یشهش اوچون ضرور بولگن برچه نرسهلرنی حسابگه آلگنینی و بو آدملر نینگ معمالری کیلهجکده حل ایتیلیشینی ایتدی.
بیراق هراتدهگی اخبارات و مدنیت بولیمی باشلیغی و هرات زلزله قربانلری کمیسیونی مطبوعات کاتبی مولوی احمدالله متقی باختر آژانسیگه معلوم قیلیشیچه، بو ۶۰ ته اوی قمر خیریه جمغرمهسی تامانیدن زنده جان تومنی نینگ سربلند و نائب رفیع قیشلاقلریده قوریلگن.
متقی بو اویلر نینگ قوریلیش خرجتلرینی ۴۸ میلیون افغانی بولگن قمر جمغرمهسی توللَگنینی و حاضرده اسلام امیرلیگی زلزلهدن جبر کورگن برچه حدودلردهگی اویلرنی اهالیگه ییتکزیب بیرگنینی یاکه قوریلیش ایشلری دوام ایتهیاتگنینی قوشیمچه قیلهدی. و بو اویلر سانی ۴۰۰۰ تگه ییتهدی.
«قمر» جمغرمهسی ملازمی نینگ ایتیشیچه، اولر جمعی ۶۹ ته اوی قورگن، شوندن ۵۴ تهسی سربلند قیشلاغیده، ینه ۱۵ تهسی نائب رفیع قیشلاغیده. باشقه مؤسسه و تشکیلاتلردن هرات زلزلهسیدن جبرلنگنلر بیلن همکارلیک قیلیشنی سوردی.
بیراق، بو اویلرنی قورگن مهندسلر نینگ ایتیشیچه، بو اویلر خلقارا اندازهلر اساسیده قوریلگن و اونده ترمیملشگه بولگن برچه احتیاجلر حسابگه آلینگن.
بیراق بوگون اوی کلیتینی قولگه کیریتگن برچه انسانلر اسلام امیرلیگی تیزیمیدن ممنون ایکنلیکلرینی بیلدیریب، بو اویلرده اوزلری اوچون برچه ضرور نرسهلر تأمینلنگنلیگینی ایتیشماقده.