کابل، ۱۰ قوس، باختر
لغمان ولایتی مرکزی مهترلام شهریده ۳ میلیون افغانی قیمتیگه ایگه دم آلیش پارکی قوریلیشی باشلندی.
مذکور ولایت حاکمی قاری زین العابدین عابد باختر آژانسیگه اوشبو پارک مهترلام بابا زیارتگاهی حویلیسیده ارشاد حج و اوقاف باشقرمه سی نینگ مالی مبلغلری حسابیدن آلتی آی ایچیده برپا ایتیلهیاتگنینی و قوریلیش ایشلری یکونلنیشینی ایتدی.
شو بیلن بیرگه، لغمان نینگ اخبارات و مدنیت باشقرمه سی نینگ باشلیغی مولوی عبدال نور رسولی بوندهی پارکلر قوریلیشی بیلن سیاحلر نینگ دَم آلیشی و هاردیق چیقریشی اوچون یخشی شرایط یرهتیلیشی، بو ولایتگه سیاحلر کیلیشینی معلوم قیلدی.
اونینگ قوشیمچه قیلیشیچه، لغمانده بوندن تشقری کۉپلب تاریخي و دَم آلیش مسکنلری موجود بولیب، اولرگه مملکت نینگ تورلی بورچکلریدن سیاحلر باغلر و طبیعت منظرهلریدن ذوقلنیش اوچون کیلیشهدی.
شونی اونوتمسلیک کیرهککی، زیارتگاهگه کیلگن سیاحلر بونی ولایت حاکملیگی نینگ خیرلی حرکتی دیب بهالب، شو کبی باشقه لایحهلرنی عملگه آشیریشنی التماس قیلیشگن.