کابل ۲۹ حوت باختر
خوست ولایتی رهبریتی ولایت منراللرینی حمایه قیلیش کمیته‌سی ییغیلیشیده اوز-اوزیدن قازیب آلیش و قاچاق نینگ آلدینی آلیشگه علیحده اورغو بیردی.
کان و پترولیم وزیرلیگی مطبوعات خدمتی بو خبرنی اعلان قیلدی: خوست ولایتی منراللرینی حمایه قیلیش کمیته‌سی نینگ ایکّینچی ییغیلیشی بو ولایت اورین‌باسری مولوی محبوب شاه قانت رئیسلیگیده و محلی حاکمیت رهبرلری اشتراکیده بولیب اۉتدی.
اوشبو ییغیلیشده خوست کانلر و پترولیم باشقرمه‌سی نینگ باشلیغی اداره خادملریدن شرطنامه‌لرنی بهالش و مانیتورینگ قیلیش، قاچاق نینگ آلدینی آلیش و منراللرنی حمایه قیلیش ساحه‌سیده همکارلیک قیلیشنی سوردی.
ولایت اورین‌باسری کمیته ایش ترتیبی نینگ بجریلیشی همده کمیته اعضالری نینگ خوست ولایتی کان باشقرمه‌سی بیلن همکارلیگی حقیده توخته‌لر ایکن، محلی حاکمیت ارگانلریگه منراللرنی اوز-اوزیدن قازیب آلیش و ناقانونی آلیب اوتیش حالتلری نینگ آلدینی آلیش باره‌سیده‌گی ایشلرنی علیحده تأکیدله‌دی.
