کابل ۲۴ حوت باختر
افغانستان نینگ تاشکینتده‌گی ایلچیخانه‌سی نینگ سرپرست ایلچیسی، باش وزیرلیک اداره‌سی نینگ اورین‌باسریگه اوشبو ایلچیخانه‌سی نینگ فعالیتی حقیده حسابات بیردی.
ارگ اخبارات نامه سیده یازگن؛ باش وزیرلیک اداره‌سی نینگ اورین‌باسری مولوی عبدالسلام حنفی افغانستان اسلام امیرلیگی نینگ تاشکینتده‌گی ایلچیخانه‌سی نینگ سرپرست ایلچیسی مولوی مغفورالله شهاب بیلن اوز اداره‌سیده اوچره‌شدی.
بو اوچره‌شووده مولوی مغفورالله شهاب باش وزیرلیک اداره‌سی نینگ اورین‌باسریگه افغانستان نینگ اوزبیکیستانده‌گی ایلچیخانه‌سی فعالیتی و وظیفه‌لری حقیده حسابات بیریب، شونده‌ی دیدی: «بو ایلچیخانه خادملری بو ایکّی دولت اورته‌سیده‌گی یخشی مناسبتلرنی تأمینلشگه حرکت قیلماقده‌لر. و بو مملکتده‌گی افغانلر اوچون خدمتلر قیلیشلریگه دایما تیارلیگینی بیلدیردی.
باش وزیرلیک اداره‌سی نینگ اورین‌باسری مولوی عبدالسلام حنفی افغانستان نینگ اوزبیکستانده‌گی ایلچیخانه‌سی نینگ فعالیتینی یوقاری بهالب، اوشبو ایلچیخانه متصدیلری افغانستان و اوزبیکستان اورته‌سیده‌گی مناسبتلرنی امکان قدَر مستحکملشگه حرکت قیلیشلری کیره‌کلیگینی تأکیدله‌دی.
