کابل ۱۱ حمل باختر
باش وزیرلیک اداره‌سی نینگ اورین‌باسری، پنجشیر ولایت حاکمی بیلن اوچره‌شوویده شونده‌ی دیدی: بوتون مملکت بویلب خوفسیزلیکنی تأمینلش، فقرالر نینگ معمالرینی انیقلش و حل ایتیش افغانستان اسلام امیرلیگی نینگ اوستوار یونه‌لیشلریدندیر.
ارگ خبرنامه‌ده شونده‌ی یازه‌دی: باش وزیرلیک اداره‌سی نینگ اورین‌باسری مولوی عبدالسلام حنفی، پنجشیر حاکمی حافظ محمد آغا حکیم بیلن اوچره‌شدی.
اوشبو اوچره‌شووده حافظ محمد آغا حکیم پنجشیرده‌گی اجتماعی، اقتصادی و محلی باشقروو حالتی، شونینگدیک، اوز فعالیتی و وظیفه‌لری حقیده باش وزیرلیک اداره‌سی نینگ اورین‌باسریگه معلومات بیریب، اوشبو ولایتده خوفسیزلیک تولیق تأمینلنگنلیگینی و ولایتده خوفسیزلیک تولیق تأمینلنگنلیگینی تأکیدله‌دی. بو مسأله‌گه محلی متصدیلر مسوول بولیب، دایما خدمت کورسه‌تیشگه، خلق معمالرینی حل قیلیشگه اینتیله‌دی.
اسلام امیرلیگی نینگ تورلی ساحه‌لرده‌گی اعتباریگه توخته‌لیب، اوشبو ولایت نینگ چیکّه حدودلریده‌گی دینی مدرسه‌لر، مکتب و رواجلنتیریش پونکتلرینی مستحکملش، آبادانلشتیریش لایحه‌لرینی عملگه آشیریش ساحه‌سیگه هم علیحده اعتبار قره‌تیشگه چقیردی.
باش وزیرلیک اداره‌سی نینگ اورین‌باسری مولوی عبدالسلام حنفی هم پنجشیر عملدارلری نینگ فعالیتینی یوقاری بهاله‌دی و شونده‌ی دیدی: بوتونلی خوفسیزلیکنی تأمینلش، فقرالر نینگ معمالرینی انیقلش و حل قیلیش اسلام امیرلیگی نینگ اوستوار وظیفه‌لریدندیر و محلی متصدیلر نینگ بو باره‌ده ینه‌ده فعال ایشلشی ضرور.
باش وزیرلیک اداره‌سی نینگ اورین‌باسری هم تکلیفلر حقیده شونده‌ی دیدی: “اسلام امیرلیگی بو مسأله‌نی امکانیتلر دایره‌سیده حل قیله‌دی”.
